Esta web naceu para promover o uso do GNU/Linux e o Software Libre en xeral, asi como para servir de punto de encontro de todos os entusiastas deste software.

O Software Libre como escusa II

A raíz da nosa publicación con este mesmo título, de data 09/06/2015, Apareceu na web de Igaciencia un escrito que só podemos cualificar de noxento, este escrito foi modificado posteriormente, e aínda que xa ten un estilo máis educado, segue a seren un feixe de desculpas «baratas». Esta resposta foi publicada baixo o título «O software libre como negocio»

Por iniciativa doutro GUL galego, abriuse un documento colaborativo en Mopad para redactar unha resposta conxunta dos grupos que decidiran sumarse para remitírllelo. Pegamos a seguir o contido dese escrito, tal e como se lles fixo chegar o pasado día 26.

Nota: A día de hoxe aínda ninguén recibiu resposta ningunha. Tampouco atopamos ningunha referencia a el na web de Igaciencia

O Software Libre como escusa

Ou a falsidade nun suposto Congreso de Software Libre para Educación, cando na realidade é un congreso de software de balde, incluído o privativo.

Antes de nada, indicar que non temos nada que obxectar sobre a realización dun congreso de software para educación, nin sobre a súa idoneidade nin sobre os seus obxectivos, xa que non somos docentes e ese é un tema que nos supera. O noso anoxo prodúceo a utilización indebida do cualificativo «libre» ao software no enunciado deste congreso, e sobre iso é sobre o que queremos escribir a fin de que quede claro, ou máis claro que sexamos quen de facelo, como, tanto no título como na «declaración de intencións» deste congreso, se manipula o concepto «Software Libre» a fin de facelo servir aos propósitos (que  sospeitamos espurios) da organización.

Leemos na web da organización o apartado titulado «OBXECTIVOS DA ACTIVIDADE.-»

Tratamento dixital de imaxes en entornos libres

O próximo obradoiro correspondente ao 3º ciclo dos Sábados Libres na Altamar terá lugar o vindeiro sábado 27 de xuño e, coma sempre, terá lugar na Residencia Xuvenil Altamar, desta volta vai de procesado de imaxes con ferramentas libres. Estará a cargo de Andres Bott fotógrafo profesional, usuario de Software Libre e socio de GALPon.

Contidos: Faremos todo o proceso de elaboración dun cartel a partires dunha foto ata o cartel final en Inkscape.

Bolseiras para o Campus tecnoloxico para rapazas da UGR

Tal e como publicamos, vai exactamente un mes, GALPon convocou unha bolsa para rapazas estudantes en Galicia para asistir ao «Campus Tecnológico UGR para Chicas 2015» que organiza a Universidade de Granada, por un importe máximo de 1.000 €.

Trala selección feita polos nosos colaboradores (mestres de tecnoloxía en diferentes centros de Galicia), das solicitudes recibidas, non fomos quen de dilucidar entre dúas candidatas. Grazas a unha achega (anónima) dun socio de GALPon, puidemos conceder a bolsa a estas dúas rapazas.

  • Sara Rodríguez Barrientos de 15 anos, estudante de 3º da ESO no I.E.S. Fco. Daviña Rey de Monforte de Lemos, Lugo
  • Clara Piñeiro Ordoñez de 17 anos, estudante de 1º de BAC no IES Praia Barraña de Boiro, A Coruña

Os nosos parabén ás dúas, agardado que gocen da experiencia.

5º obradoiro dos SLAltamar ─ Hardware Libre no CPI Alcalde Xosé Pichel

O próximo obradoiro dos Sábados Libres na Altamar, terá lugar o vindeiro 30 de maio, e desenvolverase na Residencia Altamar.

Unha experiencia formativa con Hardware Libre

A cargo do grupo PatacaLabs (@patacalabs) do CPI Alcalde Xosé Pichel (Coristanco, A Coruña). Alumnos con idades entre 14 e 17 anos, baixo a dirección do profesor Tucho Mendez (@procastino).

As fedelleiras e os fedelleiros do PatacaLabs fannos a seguinte proposta:

En novembro de 2013, a nosa proposta para organizar un club de robótica extraescolar, PatacaLabs, foi considerada por GALPon merecedora de axuda.

Bolsa GALPon para o «Campus Tecnológico UGR para Chicas 2015»

GALPon convoca unha bolsa para rapazas estudantes en Galicia para asistir ao «Campus Tecnológico UGR para Chicas 2015» que organiza a Universidade de Granada.

Importe

Máximo 1 000 € que poden detallarse así:

4º Obradoiro dos SLAltamar - Drupal de 0 a 100

O seguinte obradoiro deste 3º ciclo terá lugar na Residencia Altamar o sábado 25 de abril.

Este obradoiro, que coma sempre vai ser enminentemente práctico, estará dirixido por Alberto Permuy, responsábel técnico de //Codery e membro de O Zulo, vai dirixido a quen:

  1. Teña na súa organización, empresa, escola, etc. un sitio web sobre Drupal e queira aprender a administralo.
  2. Estea interesado en aprender a instalar e deseñar servicios sobre Drupal e antes queira coñecer en detalle que posibilidades lle ofrece.
  3. Sexa un curioso da tecnoloxía e queira coñecer mellor este CMS.

3º Obradoiro dos sábados libres na Altamar - Seguridade nas comunicacións e nas transaccións en entornos libres

Por mor das datas festivas de semana santa, co engadido de seren o mesmo 28 de marzo festa en Vigo, pola celebración do Día da Reconquista, vémonos na obriga de desprazar esta xornada para o sábado 11 de abril.

Este obradoiro dividirase en dous bloques (un de mañá e outro de tarde) e, coma sempre, vai ser unha xornada práctica.

Cifrado e descifrado de correo electrónico con GnuPG

Dirixido por Julio J. Herrero Arias (aka julher).

Sinatura electrónica con @firma, ecofirma e DNIe en entornos libres

Dirixido por Chema Casanova (@txenoo), socio de Igalia asesor de tecnoloxías libres para a administración pública.

2º Obradoiro dos sábados libres na Altamar - Editatón da Galipedia

En GALPon temos posta toda a nosa ilusión nesta nova xornada dos nosos Sábados Libres a celebrar o vindeiro 28 de febreiro.

Podedes ver todos os detalles en:

Atención docente!

Cantos artigos da Wikipedia usaches nas túas clases?
Cantos artigos terán consultado os teus alumnos e alumnas?
Cantos artigos axudaches a elaborar?
Seguro que ti e o teu alumnado tedes empregado a Galipedia en moitísimas ocasións, mais, se cadra, aínda nunca destes o paso de participar activamente nela e colaborar na edición de artigos. Se cadra non sabes como facelo, non o ves doado ou, sinxelamente, nunca te puxeches a investigar, porque non hai tempo para todo!

Se é así… agora tes a oportunidade! O dia 28 de febreiro, GALPon, coa colaboración dos administradores da Galipedia, organiza a súa primeira editatón da Galipedia, na que poderemos aprender xuntos como participar na creación de artigos, asesorados por usuarios experimentados, ao tempo que axudamos a que medre o coñecemento dispoñible para todo o mundo, na nosa lingua.

Páxinas

Subscribirse a GALPon - Grupo de Amigos de Linux de Pontevedra - Web RSS