Busco dispositivo que funcione con LIRC

Lun, 21/01/2008 - 10:53 — minhato

Dados os ENORMES problemas (ubuntu, debian, archlinux) que me ocasiona o receptor de infravermellos da tarxeta Hauppauge PVR-150 que teño para crearme un media center, busco substituto estable. Preciso un dispositivo de entrada de infravermello que funcione con LIRC. Segundo a propia páxina do programa, non serven adaptadores USB, só valen os de porto serie.

Busquei nas habituais páxinas de hardware e só atopo do primeiro tipo, "USB dongle". Se soubese de electrónica tamén podería facer un, pero non é o caso. Así que:

¿Sabe alguén onde podería mercar un dispositivo con estas características?

¿Alguén ten un arrinconado e está disposto a vendermo?

¿Alguén se atreve a fabricarme un a medida?

¿Algunha outra solución a este problema?

Obrigado de antemán.