Inicio

Curso de Linux en Pontevedra

Mér, 23/04/2008 - 11:08 — caligari

Forga Pontevedra comunícanos que van impartir un Curso de Linux de 40 horas presenciais destinado a traballadores en activo de empresas, cun nivel medio de formación. Comenzará o día 28 de abril, en horario de 20:00 a 22:30.

Os obxectivos do curso son coñecer, instalar e configurar un sistema Linux de forma eficiente, utilizar Linux como sistema operativo de usuario e de servidor e solucionar atrancos habituais nun sistema Linux.

Os contidos por módulos son:

  • MÓDULO 1: Introducción, ferramentas de formateo de Linux, instalación de Linux. Práctica: Formateo de equipos informáticos, instalación de una distribución de Linux.  
  • MÓDULO 2: Ferramentas de Linux. Práctica: Instalación e administracion de ferramentas e servicios en Linux.
  • MÓDULO 3: Compilación dun Kernel. Práctica: Compilación dun Kernel e exploración de alternativas. 
  • MÓDULO 4: Sistemas de protección de Linux. Práctica: Configuración da seguridade en Linux.

Quen estea interesado pode poñerse en contacto con Forga no teléfono 986.833.015 para informarse e inscribirse.

 

 

Comentarios

Xov, 24/04/2008 - 10:03 — capri99

¿Quen compila en niveis básicos?

Ante todo quero dar a miña noraboa pola iniciativa e por impulsar ao mundo do Software Libre.

Sen ánimo de crear polémica, tan só quería comentar que igual o módulo 3 de "Compilación dun kernel" non é moi adecuado para un curso de Introdución de 40 horas. Coido que é entrar en profundidades moi tempranamente.

De todos os xeitos, os meus parabens :-)

Ven, 25/04/2008 - 08:42 — caligari

Desfase de nivel

Pois opino o mesmo. O programa do curso pasáronno-lo directamente de forga e compuxen a mensaxe, pero o certo é que nin me decatara dese detalle. Igual é para instalar algún módulo necesario para as máquinas que van para o curso, pero sigue sendo didácticamente incorrecto polo desfase de conceptos que implica.