GALPon - Grupo de Amigos de Linux de Pontevedra - Web

A comunidade de BrOffice.org representada por Claudio F. Filho foi exemplo de colaboración na "OpenOffice.org Annual International Conference (OOoCon)" celebrada esta semana pasada en Pequín (China) onde se reuniron os desenvolvedores e colaboradores principais desta suite ofimática do mundo enteiro.

Como comenta Claudio no seu blogue, este evento é o máis importante para calquera persoa interesada ou que traballe con OpenOffice. Nas diferentes reunións discutiron sobre diferentes temáticas coma o "Interface", "Idioma Nativo", as do "Consello Xeral" ou as de "Márketing" onde se comentou que certos blogs de persoas da comunidade están sendo vixiados por Micro$oft, que iniciou unha campanha mais agresiva na Europa con respecto do M$ Office 2007.

Louis Suarez-Potts, xerente xeral de comunidades do OOo, comentou que se precisa aumentar a comunicación entre os pontos, procurando entender as accións que están dando con certeza noutros países, tal como no Brasil, e adaptar para a realidade doutros países.

Xa na reunión de idioma nativo, as cuestións tornáronse máis duras, coma o de por qué non hai tanta contribución como se puidera ter en muitos países, ou de ter pouca penetración noutros, entre outras cuestións. Neste ponto, de novo o exemplo do Brasil foi utilizado, mas desta vez de maneira intensiva. Louis comentou a respeito dos traballos da comunidade brasileira a través de redes sociais (os gubros), da revista BrZine, da relación Comunidade - Goberno a través da OSCIP BrOffice.org - Projeto Brasil, sobre os modelos de relación institucional, a forma de se relacionar con outras comunidades como o exemplo de Galicia, a través do traballo cos galegos para producir a revista para a xente daquela rexión, entre outras cousas.

Nesta primeira entrega do blogue de Claudio, tamén aconteceron anécdotas e curiosidades pola diferencia cultural entre Occidente e Oriente que viviu en primeira persoa.