GALPon - Grupo de Amigos de Linux de Pontevedra - Web

"Pan para hoxe e fame para mañá", así definiríase a política de formación que está a levar adiante a  Escola Galega de Administración Pública (EGAP) en relación á oferta de cursos para o funcionariado que discrimina negativamente o emprego de Software Libre e estándares abertos que promove o Plano Estratéxico Galego da Sociedade da Información (PEGSI), aprobado no parlamento galego o ano pasado.

Vieiros ven de publicar unha nova que confirma un novo acordo entre Microsoft Ibérica e a Consellería de Educación para incorporar programas do xigante no ensino galego.

A nova é un mazazo, xa que dacordo ás liñas positivas de futuro que viña tomando a Xunta indicaban que ían a apostar polo software libre. Con este acordo, semella que damos un paso de volta atrás e que incrementarase a fenda tecnolóxica entre a Galiza e outras comunidades como Extremadura, que ainda que a temos case ó lado non aprendemos nada.