GALPon - Grupo de Amigos de Linux de Pontevedra - Web

Idea inicial

Ben é certo que aínda non temos ningunha referencia clara do que pode acontecer no futuro, pero de todos é sabido que o apoio do PP ó SwL non é moi alá que digamos. As únicas accións coñecidas Lliurex e Max (EducaMadrid) son accións anecdóticas e desvencelladas da comunidade, especialmente a de Valencia da que teño novas de que chegan ó extremo de usurpar aplicacións e de que as traducións encoméndanse a empresas.

Leo en Nosa Terra edición dixital:

http://www.anosaterra.org/nova/premiado-o-esforzo-plurilinguumle-de-microsoft.html

A prol do galego, éuscaro e catalán

Premiado o 'esforzo' plurilingüe de Microsoft.

As institucións responsábeis da política lingüística de Galicia, Cataluña, País Vasco e Islas Baleares, anunciaron hoxe a concesión do I Premio á Promoción da Realidade Plurilingüe do Estado español á empresa Microsoft, pola creación de produtos de software en distintas linguas.

Diferente consideración teñen os 3 maiores partidos políticos en Galicia no que se refire á presencia do Software Libre nas Tecnoloxías da Información.

Neste artigo imos facer un breve estudo do que representa o Software Libre nos programas electorais das 3 forzas políticas máis importantes en Galicia. A orde escollida é o número de deputados/as obtidos/as nas anteriores eleccións.