Esta web naceu para promover o uso do GNU/Linux e o Software Libre en xeral, asi como para servir de punto de encontro de todos os entusiastas deste software.

Reunímonos todos os últimos sábados de cada mes, contacta con nós!

Séguenos na nosa canle no Telegram https://t.me/galpon (@galpon)

Conversa sobre liberdade na nosa sala en Matrix #galpon:matrix.org

II MiniNo DevConf

O próximo sábado día 5 reuniremonos en Vigo un feixe de desenvolvedores e colaboradores no proxecto MiniNo co fin de analizar a proposta de obxectivos definida para a próxima versión 2.0 da distro GALPon MiniNo
Presentaremos durante esa DevConf a proba de concepto, ou versión Alpha da distro PicarOS, a distro concebida para rapaces e rapazas de menos de 12 anos.

Podedes ver a evolución do documento base de discusión en : http://linki.to/dya

Symfony2

Vanse a realizar unhas xornadas sobre «Desenvolvemento Web, PHP, HTML5 e Symfony2» que terán lugar no Centro Social Novacaixagalicia en Vigo, o venres 25 e o sábado 26 de novembro. Animamos a participar a calquera persoa interesada nunhas charlas técnicas e amenas realizadas por relatores con gran experiencia en Symfony2 (Framework PHP).

  •  Javier Eguiluz Perez
  •  Ignacio Martín Latorre
  •  Fco. Javier López Alcaraz
  •  Raúl Fraile Beneyto

Será moi enriquecedor para todos os asistente. Non só é unha gran oportunidade para coñecer o novo «framework» e comezar a utilizalo, senón de coñecer a outros profesionais ou empresas do sector coas mesmas inquietudes. Por iso haberá expositores tanto de curriculums como de ofertas de emprego dispoñibles para os asistentes.

Finou John McCarthy, pai dos conceptos de Intelixencia Artificial e da computación na nube.

Pouco se pode engadir ao xa escrito noutros medios, só reflectir desde aquí o noso respecto a un dos máis grandes do software.

Só salientar unha das cousas menos difundidas do seu xenio (copiado da Wikipedia en español):

En 1961, fue el primero en sugerir públicamente (en un discurso dado para celebrar el centenario del MIT) que la tecnología de tiempo compartido de las computadoras podría conducir a un futuro en el que el poder del cómputo e incluso aplicaciones específicas podrían ser vendidas como un servicio (como el agua o la electricidad).

John McCarthy, que $DEITY ce compense o que nos non soubemos ou puidemos. DEP

http://en.wikipedia.org/wiki/John_McCarthy_%28computer_scientist%29

http://es.wikipedia.org/wiki/John_McCarthy

http://www.elpais.com/articulo/tecnologia/Fallece/John/McCarthy/creador…

Premios aos mellores PFC de desenvolvemento de aplicativos libres para a localización (l10n)

A Asociación Proxecto Trasno anuncia a convocatoria dos Premios aos mellores PFC de desenvolvemento de aplicativos libres para a localización (l10n).

Coa concesión destes premios preténdese incentivar o desenvolvemento de software libre orientado á creación e mellora de ferramentas para o apoio da localización.

Poderán optar a estes premios os estudantes universitarios con proxectos de fin de carreira presentados durante os cursos académicos 2010-2011 ou 2011-2012, relativos aos campos da localización e a tradución xa sexa de software ou de documentación, ou de apoio lingüístico ao galego, podendo tamén seren aplicables a calquera outro idioma. Os proxectos deberán contar cunha implementación funcional publicada baixo licenza libre compatible coa GNU GPL segundo a FSF, e empregarán ineludibelmente tecnoloxías libres e estándares abertos.

Finou Dennis Ritchie, un dos pais de C

Creador da linguaxe de programación C e desenvolvedor clave do sistema operativo Unix, co-autor do libro definitivo sobre C, «a linguaxe de programación C»
Foi un dos pioneiros da computación moderna. A linguaxe C segue a ser amplamente utilizada hoxe en día na aplicación e desenvolvemento de sistemas operativos.

Que $DEITY che compense todo o que nos non soubemos ou puidemos agradecerche
 

 

Finou o creador do «Proxecto Gutemberg»

Michael Hart and Gregory Newby at HOPE ConferencePara os que non saben quen é Michael S. Hart diríalles que é unha das poucas persoas que entendeu o valor dos eBooks como un elemento democratizador da cultura e que traballou para que todos poidamos ter ao noso alcance a maior cantidade de libros posíbeis apenas caducaran os dereitos de autoría que seguen estendéndose como un polbo con esteroides… e petou.

Para os que non coñecen o Proxecto Gutenberg é basicamente un esforzo de voluntarios que doan ou escanean libros para crear un arquivo cultural que serva para distribuir a maior cantidade posíbel de libros electrónicos na maior cantidade de formatos posíbeis ata ten unha sección en galego onde hai marabillas como (unha das últimas incorporacións) o Catecismo d'a Doutrina Labrega :)

Unha mágoa perder a alguén que fixo tanto por democratizar a cultura… e que tivo tantas batallas en fin, paga a pena botarlle un ollo ao obituario

Conferencia de Miriam Ruíz: Mulleres no Software Libre

Mercores 19 de outubro as 15:30

Salon de Graos da Escola de Enxeñaría de Telecomunicación
  Universidade de Vigo
  Lagoas, Marcosende

Miriam Ruíz:
Enxeñeira española, e Desenvolvedora de Debian, unha distribución de Linux. Segundo indica

«Estou moi implicada no empaquetamento de xogos, así como no proxecto Debian Women. Tamén estou involucrada na «netesfera» feminista, en grupos como LinuxChix, Ubuntu-Women, WikiChix, ChicasLinux, Indymedia Women ou Systers, pero realmente non fago moitas cousas neles, fundamentalmente porque non teño tempo para estar tan activa en todas partes. De calquera xeito apóioas totalmente.»

Presentación de «Enable Viacam» e «SITPLUS», dúas ferramentas de computador, libres e de balde, para persoas con discapacidade.

Conferencias de D. Cesar Mauri, desenvolvedor e lider de ambos proxectos.

Sábado día 1 de outubro, 11:00 da mañá, conferencia dirixida a pais, educadores/monitores e usuarios en xeral.

Sala de Conferencias do Centro Social Novacaixagalicia
  R/ Policarpo Sanz 24, 3ª andar
  36202 VIGO


Luns día 3 de outubro, 12:00 da mañá, conferencia dirixida a técnicos e desenvolvedores, na que se analizará o código (GPL) e a súa estrutura técnica.

Salon de Graos da Escola de Enxeñaría de Telecomunicación
  Universidade de Vigo
  Lagoas, Marcosende


Celebración do 20 aniversario de Linux

Etiquetas

Estamos a artellar unha xuntanza o sábado día 20 (de agosto) no «chiringuito» do parque forestal de Beade (á beira da Universidade). Temos que conformarnos con facer unha churrascada no chiringuito ao non puider facer lume nas parrillas do parque, mais despois desprazaremonos (con sorpresa) para un punto do parque no que podermos facer o índio todo o que mellor saibamos ou poidamos.

A este encontro levaremos as camisolas que xa encargamos ao efecto (quedan unhas poucas para os "rezagados" mais non aseguramos que se poida escoller entre moitas tallas e a cor)

Os que queirades asistir só tendes que apuntarvos seguindo o fío da nosa lista, ou se non estades na lista, enviando un correo a info[en]galpon.org. Este próximo venres (12) confirmaremos coa xente do chiringuito cantos imos seren.

Mapa do chiringuito ou calclulo de ruta, só tendes que levar o marcador verde (a orixe) cara ao voso punto de partida