Introdución
O correo electrónico (electronic mail, e-mail ou email), é un servizo de rede que permite aos usuarios enviar e recibir mensaxes mediante redes de comunicación electrónica como Internet.
É un servizo con arquitectura cliente-servidor que se implementa mediante software específico despregado tanto en sistemas múltiples de servidores como nos equipos cliente que envían e reciben o correo. Este software implementa diferentes protocolos como SMTP, IMAP, POP etc que, traballando en conxunto, fan realidade o servizo.
Ao longo das súas décadas de existencia o sistema foi evolucionando para incluír novas características, sobre todo aquelas relacionadas coa seguridade. Hoxe en día o correo electrónico aínda é amplamente empregado no ámbito empresarial, mais reduciuse significativamente no ámbito particular por mor, sobre todo, do auxe das plataformas de mensaxería instantánea.
Neste obradoiro amosarase a instalación e configuración básica dun servidor de correo electrónico (MTA), en concreto Exim, implementando o protocolo SMTP, deixando para outras posíbeis sesións a análise doutros protocolos así como de software cliente (MUA)
A medida que se vaian desenvolvendo os temas irase amosando de maneira práctica nun sistema Debian GNU/Linux as configuracións realizadas.
Seguirase o seguinte guión:
- Introdución ao correo electrónico
- Como funciona o correo electrónico (DNS e tipos de servidores)
- Provedores de correo electrónico e autoprovisión.
- O servidor de correo Exim
- Instalación e configuracións varias
Requisitos de asistencia
Os participantes teñen que traer o seu propio computador portátil.
- Data: venres 26 de setembro
- Horario: 19:00 a 21:30
- Duración total: 2h 30min
- Prazas dispoñíbeis: 40 (máximo)
- Lugar: A Industriosa
- Rúa Gregorio Espino 38, entresollado 3 (36205 Vigo, Pontevedra - Galicia)
Inscrición:
De balde, e imprescindíbel que vos inscribades. Para inscribirse tedes que ir á nosa páxina de eventos en Mobilizón e anotarvos neste evento, premendo no botón Participa . A data límite será a do mércores 24 de abril ás 12 da noite, sempre que non se esgoten as parazas antes.
Como chegar:
Coa colaboración de
Patrocinado por:
Esta actividade enmarcase dentro das actuacións en colaboración coa Axencia para a Modernización Tecnolóxica de Galicia (AMTEGA), ao abeiro do Plan de acción en materia de Software Libre no marco da Estratexia Galicia Dixital 2030.
- Log in to post comments