Esta web naceu para promover o uso do GNU/Linux e o Software Libre en xeral, asi como para servir de punto de encontro de todos os entusiastas deste software.
Reunímonos todos os últimos sábados de cada mes, contacta con nós!
Séguenos na nosa canle no Telegram https://t.me/galpon (@galpon)
e tamén no fediverso, en Mastodon @galpon@mastodon.gal
e en Pixelfed @galpon@pixelfed.social
Conversa sobre liberdade na nosa sala en Matrix #galpon:matrix.org
Segue as nosas actividades apuntandote ao noso grupo de eventos en https://mobilizon.fr/@obradoiros_galpon
Un ano máis, o equipo de GALPon MiniNo, temos preparado para vós unha nova versión de PicarOS con novidades que seguro van gustar a máis dun. Este ano centrámonos en facer a vida un chisco máis cómoda aos nosos colegas mestres e mestras de Primaria ademais de axustar os programas a este nivel educativo e preparalos para o uso na aula ou na casa.
Rematado xa o tempo de lecer do verán, presentamos o obradoiro para o o próximo sábado 27 setembro
Realización de interfaces gráficas con Zenity e Yad (Gtk) e KDE Dialogs.
Procesos de internacionalización (i18n) dos diálogos/mensaxes.
Ou o que é o mesmo: Como facer que os nosos scripts poidan ser traducidos a diferentes idiomas en función da variable $LANG.
Tralas probas da RC feitas por vós, congratulámonos de poder publicar as 2 versións da nova minino ártabros 2.1. Podedes ver as diferenzas entre as 2 nesta páxina e descargalas nesta outra.
Coincidindo coa celebración do encontro de desenvolvedores do proxecto «GALPon MiniNo» IV minino-devconf, informamos da publicación da nova versión, en fase de RC da futura MiniNo Ártabros 2.1. Podedes descargala desde a páxina de descargas de minino.
Podedes ver todos os detalles na páxina específica de información do web de minino
Salientar que, tras os últimos axustes, conseguimos reducir o consumo de RAM (nunha instalación e só co escritorio) a 65 MB, a versión anterior precisaba de 74 MB, o que supón unha redución de algo máis do 12%.
Este encontro anual dos que traballamos no desenvolvemento das 3 distribucións, para definir as liñas estratéxicas das distribucións, poñer en común os problemas que imos atopando e manter unha xornada de compañeirismo, imos celebralo o próximo sábado 26 de xullo nas dependencias da Residencia Altamar Sala 2, Planta 6, Edif. Eldorado (Uruguai nº 8, Vigo).
En poucos día publicaremos a versión candidata da nosa distro, desta vez estará formada por dúas edicións:
Unha «mínima» que pode ser gravada nun CD
Unha «full» que precisa ser gravada nun DVD ou USB
De todos os xeitos, edición «mínima» incorporará un script que permitirá, tras a instalación e estando conectado á Internet, facer uha replica da instalación «full».
A versión «mínima» mantén a mesma paquetería que a v2.0 e a «full» leva LibreOffice, a mensaxería de Pidgin e os temas de Mate.
En ámbolos dous casos a base é a Debian 7.5 (Whezzy)
Máis info no web de MiniNo.
Esta publicación forma parte das actividades que GALPon realiza ao abeiro do convenio de colaboración asinado coa Axencia para a Modernización Tecnolóxica de Galicia (AMTEGA), e incluídas no Plan de Acción de Software Libre 2014 da Xunta de Galicia.
Os nosos compañeiros de Proxecto Trasno organizan un encontro cos equipos de tradución de SwL aos idioimas minorizados do estado español, concretamente cos equipos Librezale (Euskal Herria), Softcatalá (Catalunya), Softastur (Asturies) e Softaragonés (Aragón).
GALPon, a xeito de colaboración, aporta a este encontro unha bolsa coa que poder facer fronte ao alugueiro dun cuarto de hostal para os trasnegos que teñan que desprazarse a santiago de Compostela. Asemade colabora no aloxamento da páxina web.
P { margin-bottom: 0.25cm; line-height: 120%; }A.cjk:link { }A.ctl:link { }
Unha Geocamp é unha xeo-desconferenza, un evento onde todos os participantes toman un papel máis activo dentro da creación do evento. Ten a súa orixe no concepto de Barcamp. É un día para o intercambio de experiencias, coñecementos e valores arredor de todo aquelo que teña que ver coa temática XEO e non tan XEO.
Na edición do ano 2013 máis de 50 persoas xuntáronse na localidade de Bouzas (Vigo), chegados de varios puntos de España e mesmo dende Estado Unidos, procedentes de entidades públicas, empresas punteiras no sector XEO a nivel mundial, administracións, freelances, etc...
Os próximos mércores 11 de xuño e venres 13 de xuño, o CDTIC acollerá o seminario «Software Libre e licenciamento» que se impartirá en horario de 10.00 a 14.00 horas.
Neste 2º Obradoiro adicado á POO e dirixido tamén por Sergio Costas (aka rastersoft) Desenvolveremos a seguinte actividade:
Presentaránse algúns casos prácticos, de mais sinxelo a máis complexo, e os asistentes deberán realizar a programación correspondente a cada caso.
Esta será unha sesión eminentemente práctica na que os asistentes desenvolveran as seguintes propostas: