Os días 8 e 9 de xullo, terá lugar en Melide a I Xornada «abeancos.gal».

O proxecto «abeancos.gal» nace no ano 2016 a partir dunha réplica doproxecto «aculturadaauga.org», creado pola Comunidade O Zulo de Mugardos. Neste caso, o obxectivo foi crear un catálogo dixital e aberto de elementos patrimoniais localizados na área da Comarca da Terra de Melide.

Despois de máis dun ano de traballo, e grazas ao esforzo dos voluntarios e do equipo de traballo liderado por MeLiSA e o Museo da Terra de Melide, poden consultarse os datos de preto de 100 elementos, cifra que se alcanzará nos próximos días.

Nesta nova, facemos un resumo da actividade feita nos IES de Vigo.

Descrición

Programa adicado a facer que o alumnado de ensino medio coñeza, nun principio, o proxecto OpenStreetMap e animalos a colaborar na súa edición. Para elo contamos coa colaboración do grupo Xeoinquedos (capítulo galego de Geoinquietos).

Tal e como comentabamos hai uns días que íamos facer, os pasados 22 e 23 (luns e martes) de maio estivemos no IES Alexandre Bóveda de Coia, no IES do Castro de Vigo e no IES A Guía de Teis

A temática das charlas foi sobre OpenStreetMap, cunha introdución á información xeográfica e as vantaxes dos mapas para transmitir información, así como a importancia de que os datos, igual que o software, sexan libres, coñeceran de primeira man as vantaxes da información xeográfica e o proxecto OpenStreetMap, vendo algúns exemplos do seu uso e unha demostración de como editar información neste mapa colaborativo.

Salientar o «alborozo» que se sentiu no Salón de Actos do IES O Castro, cando procedemos a cartografar o seu «Ombú centenario» (Ver tamén).

A fin de ir poñendonos ao tanto nisto das RRSS abrimos tres canles de GALPon en Telegram.

• O propio da Asociación: https://t.me/galpon
• Especializado na nosa distro «MiniNo»: https://t.me/galponminino
• Especializado na nosa distro «PicarOS»: https://t.me/picaros

Lembrade que as canles de Telegram son, só, fontes de información, non son grupos de conversa, xa que só poden publicar cousas os Administradores. En resumo, son canles pasivos para todos vos.

Podedes darvos de  alta e de baixa cando queirades.

Esta nova versión de MiniNo, a 3.0, que bautizamos como Queiles, despois de darnos bastantes problemas (lembrade que somos só 2 persoas para MiniNo e PicarOS) por fin parécenos estable abondo como para que poidamos finalmente publicar a versión candidata (RC).

Lembrarvos algúns datos xa publicados sobre ela:

Esta nova versión presenta as seguintes novidades:

Actualizacións de paquetes:
- Firefox
- Chrome
- Xorg
- Firmware
- Openshot
- Freetux
- Kataluga
- Katalekto
- Gparted
- Kiwix
- FetTimetable
- Scratch2
- Opensankoré
- Vue
- Gdisk, mtools, live-boot, udev, etc...
- Continuamos sen systemd

Coa colaboración do grupo Xeoinquedos (capítulo galego de Geoinquietos) os próximos luns e martes, 22 e 23 de maio, realizaremos unhas charlas/obradoiro en tres institutos de Vigo.

• Luns 22
  • Pola mañá estaremos no IES Alexandre Bóveda, sito na rúa Cuntis s/n 36209 (Coia)
  • Pola tarde estaremos no IES do Castro de Vigo, sito na rúa José Gómez Posada Curros, nº 1 - 36203 (O Castro)
• Martes 23
  • Pola mañá estaremos no IES A Guía, sito na Avda. Dona Fermina nº 1 36207 Vigo (Teis)

A temática das charlas vai ser OpenStreetMap, cunha introdución á información xeográfica e as vantaxes dos mapas para transmitir información, así como a importancia de que os datos, igual que o software, sexan libres, coñeceran de primeira man as vantaxes da información xeográfica e o proxecto OpenStreetMap, vendo algúns exemplos do seu uso e unha demostración de como editar información neste mapa colaborativo.

Por mor dun problema fiscal/legal, vémonos na obriga de suspender (pretendemos que só temporalmente) o desenvolvemento do programa.

Desculpas.

Miguel A. Bouzada

Presidente de GALPon

O 30 de abril o Concello de Teo vai celebrar LibreTeo.

Un evento centrado na liberdade das persoas e o tremendo potencial que ten a xente cando colabora en proxectos libres. Con propostas e referencias nos sectores do software, a cultura e o coñecemento. Todas as charlas e obradoiros están dirixidos a todos os públicos, cunha linguaxe sinxela e sen tecnicismos. :-)

Son Santiago Camblor, profesor de tecnoloxía do IES Pedro de Tolosa de San Martín de Valdeiglesias (Madrid). Gustaríame compartir a personalización que fixen de minino artabros 2.0. que esta pensada para trabllar co alumnado de secundaria.