Esta web naceu para promover o uso do GNU/Linux e o Software Libre en xeral, asi como para servir de punto de encontro de todos os entusiastas deste software.

Reunímonos todos os últimos sábados de cada mes, contacta con nós!

Séguenos na nosa canle no Telegram https://t.me/galpon (@galpon)

e tamén no fediverso, en Mastodon @galpon@mastodon.gal

e en Pixelfed @galpon@pixelfed.social

Conversa sobre liberdade na nosa sala en Matrix #galpon:matrix.org

Segue as nosas actividades apuntandote ao noso grupo de eventos en https://mobilizon.fr/@obradoiros_galpon

Nova revisión da GALPon MiniNo Alguadaira

Vimos de publicar a revisión da nosa distro máis velliña, a Alguadaira.
Nesta revisión aseguramos os posíbeis problemas de seguranza, actualizamos os repositorios e engadimos a configuración de Xorg feita para o Sony Vaio PGC-C1 XD con gráfica Neomagic de 1280x480 px.
Esta revisión leva o nº de versión 1.2.3 é estará dispoñíbel só na arquitectura i486 (co que funcionará tamén en arquitecturas i686)

Podedes descargala na páxina de GALPon MiniNo

#SLAltamar ─ Aportando os nosos propios datos a OpenStreetMap (Mapping Party)

Como unha xornada máis dos Sábados Libres na Altamar, o último sábado de outubro (25) imos facer unha festa dos mapas (mapping party) para levantar datos dalgunha zona de Vigo (aínda por decidir).

Dirixirán o obradoiro:

Micho García
Francisco P. Sampayo

Coa colaboración de Xeoinquedos capítulo galego de Geoinquietos

Seminario sobre «creación e comercialización de produtos TIC en Software Libre» no CDTIC

Este venres 23 de maio, o Centro Demostrador TIC acollerá o seminario “Creación, desenvolvemento e comercialización de produtos TIC en software libre” que se impartirá en horario de 12.00 a 14.00 horas. Este seminario forma parte das actividades de formación específica para persoal directivo que se están a impartir desde o pasado 8 de maio e ata o 6 de xuño nas instalacións do CDTIC.

Sábados Libres na Altamar ─ Git nun entorno de traballo privado

Para este 3º obradoiro sobre GIT, que se desenvolverá o próximo 17 de maio (sábado), como sempre na Residencia Altamar de Vigo, Jesús Amieiro, director do mesmo, proponnos:
 
O máis importante é o primeiro punto, que é a instalación dun entorno de traballo privado mediante a ferramenta libre Gitolite. O resto son elementos importantes pero que se quedaron fóra dos anteriores obradoiros.

Asemblea anual de GALPon

Isaac Abreu Rodríguez Secretario do Grupo de Amigos de Linux de Pontevedra, a indicación do Sr. Presidente, convoca a todos os socios a Asemblea Xeral Ordinaria a celebrar o SÁBADO, 29 DE MARZO, as 18:30 horas en primeira convocatoria, e as 19:00 en segunda convocatoria coa seguinte orde do día:

1.- Aprobación, se procede, da acta da xuntanza anterior
2.- Examinar e aprobar, se procede, a memoria de actividades

Subscribe to