Esta web naceu para promover o uso do GNU/Linux e o Software Libre en xeral, asi como para servir de punto de encontro de todos os entusiastas deste software.

Reunímonos todos os últimos sábados de cada mes, contacta con nós!

Séguenos na nosa canle no Telegram https://t.me/galpon (@galpon)

Conversa sobre liberdade na nosa sala en Matrix #galpon:matrix.org

RC da MiniNo PicarOS Diego

 

 Ás 13:44:53 do sábado 7 pechamos todas as incidencias de probas tras engadir as suxestións que foron feitas, co que procedemos á construción da imaxe ISO.

Descargas: https://minino.galpon.org/gl/descargas

(Esta é unha ISO híbrida que pode gravarse nun DVD ou trasferirse a un dispositivo USB de polo menos 4 GB)

Nota: para transferila a un USB ver un «como» no wiki de GALPon.

 

Novidades na RC do PicarOS Diego

Argallando cunha Raspberry Pi

Para o obradoiro Raspberry Pi, outro concepto de computador que ven de desenvolverse o pasado sábado 29 de xuño, dentro do ciclo dos Sábados Libres na Altamar, publicamos en formato wiki o manual referente ás actividades realizadas.

Creemos que este manual ven cubrir dúas eivas importantes:

  1. Unha das razóns (na miña opinión a de máis peso) do gran éxito desta «maquiniña» é a gran cantidade de documentación ao respecto, porén en galego apenas vimos máis aló dalgún que outro comentario.
  2. Agrupar nunha mesma páxina wiki unha serie de dúbidas (e/ou elementos non moi divulgados) e ofrecer unha solución conxunta, de forma tal que poidamos solucionar de vez varias configuracións do noso interese.

Seguindo o habitual criterio do autor do mesmo, este manual é perfectamente comprensíbel polos usuarios noveis, as ordes están ben desbrozadas para que non haxa dúbidas ao respecto. Así mesmo a súa aplicación segue o principio de só Software Libre polo que todo o traballo está orientado a traballar sempre cun S.O. GNU/Linux.
Atoparedes este manual no Wiki de GALPon

Convocatoria de axuda en forma de colaboración para un Proxecto de automática/robótica sobre Hardware e Software Libre

Tras a celebración dos pasados «Sábados Libres na Altamar», organizados polo Grupo de Amigos Linux de Pontevedra (GALPon), e visto o alto interese amosado polo Hardware Libre, vendo que pode ser unha porta moi accesible para que a xente acceda ao Software Libre e en xeral aos conceptos de Cultura Libre, que son os alicerces da nosa asociación, decidimos implicarnos nun novo proxecto.

Sendo a nosa intención fomentar o emprego das tecnoloxías libres e apoiar o desenvolvemento en base á liberdade, tal e como preconiza a Free Software Foundation (FSF), e visto que os mozos que non se clasifican, no que se coñece, como «geeks» descoñecen ou ignoran os recursos da liberdade, queremos implicarnos en facilitar este coñecemento, poñendo ao alcance da súa man o utillaxe preciso.

Para isto convocamos este plan de colaboración en base ao seguinte:

A AMTEGA convoca a VI Edición do Premio ao Mellor Proxecto Fin de Carreira con Licenza Libre

  • A Axencia para a Modernización Tecnolóxica de Galicia convoca unha nova edición do Premio ao Mellor Proxecto Fin de Carreira con Licenza Libre
  • O premio que vai xa pola súa VI edición ten unha contía económica de 1.500 euros
  • Pode presentarse calquera estudante do Sistema Universitario Galego que teña defendido o seu Proxecto de Fin de Carreira nalgunha das convocatorias do ano académico 2012-2013
  • O prazo de presentación de candidaturas comeza hoxe e remata o 31 de outubro

2ª xornada dos «Sábados Libres na Altamar»

Unha vez máis, en colaboración coa Asoc. Xuvenil Altamar e grazas á cesión de espazos por parte da Residencia Altamar, poñemos en marcha a 2ª xornada dos Sábados Libres na Altamar.

Xuño, sábado 29

Páxina do evento en G+

Lugar:

Residencia Altamar
Ver mapa en Google Maps

 

Horario: de 10:00 a 14:00 e de 16:00 a 18:30


RaspberryPi, outro concepto de computador