Esta web naceu para promover o uso do GNU/Linux e o Software Libre en xeral, asi como para servir de punto de encontro de todos os entusiastas deste software.
Reunímonos todos os últimos sábados de cada mes, contacta con nós!
Séguenos na nosa canle no Telegram https://t.me/galpon (@galpon)
e tamén no fediverso, en Mastodon @galpon@mastodon.gal
e en Pixelfed @galpon@pixelfed.social
Conversa sobre liberdade na nosa sala en Matrix #galpon:matrix.org
Os compañeiros de O Zulo veñen de confirmar as datas do seu X Ciberencontro Kernel 2013, para os días 19,20,21 e 22 setembro.
http://www.comunidadeozulo.
Tras buscar onde facer algún obradoiro, atopamonos coa Colaboración da Asoc. Xuvenil Altamar, da Residencia Altamar (As Travesas) que depende da Xunta de Galicia, nuns locais da propia Residencia que nos permiten argallar un pequeno ciclo de obradoiros aos que chamamos «Sábados libres na Altamar».
Un ano máis, da man do Vicerrectorrado de Extensión Universitaria e Estudantes da Universidade de Vigo, GALPon impartirá un Obradoiro sobre «Introdución ao Software Libre e GNU/Linux».
Este obradoiro enmarcase na programación de obradoiros do 2º cuadrimestre do curso 2012-2013 da Universidade.
Toda a información no web de Extensión Universitaria
Índice do obradoiro:
Un refacho non é máis cun golpe de vento, unha ventada, o que en castelán se coñece como «ráfaga».
A nosa idea e facer unha serie de aulas moi prácticas, nas que os asistentes vaian practicando na realización de scripts/aplicativos/programas, baixo a tutoría dun experto.
Partindo do mínimo, do xa clásico «Ola xente», cada aula incrementará a dificultade, como se dun manual se tratase, ata acadar scripts complexos con integración de funcions, RegExp complexas, etc.
Cada refacho terá unha duración de 1:30 h e nunca máis de 1:45 h. A periodicidade será de unha cada mes a realizarse o último sábado de cada mes agás en xaneiro, no verán (xullo e agosto) e no nadal (decembro).
O máximo de asistentes será de 20, considerando como ideal 15 persoas.
É un pracer confirmar a celebración da “V Noite Drupal & GNU/Linux” que se desenvolverá no local de Ada Formación en Narón o vindeiro 19 de xaneiro de 2013.
Para un ciclo de ponencias/obradoiros, totalmente prácticos sobre Vim, Bash e Yad, buscamos:
Profesorado técnico con acreditación ou prestixio recoñecido na comunidade.
Os obradoiros organizaranse na tarde do último sábado de cada mes (agás xullo, agosto e decembro) en Vigo.
Cada obradoiro adicará 20 minutos a vim, 50 a bash e outros 20 a yad.
Os interesados deberedes enviarnos as vosas propostas ao correo info@galpon.org
Pensando fundamentalmente nos novos usuarios da GALPon MiniNo, vimos de publicar un «Debian Cheat Cube» , ou o que é o mesmo, unha «chuleta» para imprimir en cartulina, recortar e encolar, cunha escolma de ordes e a súa explicación en galego, para sistemas Debian.
Pódese descargar de aquí.
Despois du
nha semana desde a liberación da GALPon MiniNo 2.0 Ártabros, comprobamos a magnífica acollida que está a ter en Distrowatch. Para nosa sorpresa, cumpridos os 7 primeiros días, vemos que ocupa a posición 6 de distros máis visitadas.
Agardamos que estea á altura da curiosidade espertada e que sexa de utilidade para dar unha nova vida en liberdade aos equipos velletes :-)
O día 16 de novembro de 2002 constitúese en Vigo o Grupo de Amigos Linux de Pontevedra «GALPon», tendo como obxectivo:
Promover o uso do GNU/Linux e o Software Libre en xeral, asi como para servir de punto de encontro de todos os entusiastas deste software.
Hoxe, 10 anos despois, para conmemorar ese día, liberamos a nova versión da nosa «distro» GALPon MiniNo v_2.0 aka Ártabros e estrenamos unha nova web,construída sobre Drupal, que agardamos sexa máis funcional que a anterior baseada en «dokuwiki» que manteremos ligada para seguir tendo acceso a algúns consellos que recollemos nela.
É o noso desexo que esta nova versión de GALPon MiniNo sexavos de utilidade e agardamos, como temos tido ata agora, o voso apoio e os vosos consellos para seguir mellorándoa.
A difusión do Proxecto GALPon Minino forma parte das actividades que a Asoc. GALPon desenvolve ao abeiro do Convenio de colaboración asinado polas AGUSL coa Secretaría Xeral de Modernización e Innovación Tecnolóxica da Xunta de Galicia e incluidas no plan de acción FLOSS 2012 da Xunta de Galicia.
Miguel Anxo Bouzada
Presidente de GALPon
O día 16 de novembro de 2002 constitúese en Vigo o Grupo de Amigos Linux de Pontevedra «GALPon», tendo como obxectivo:
Promover o uso do GNU/Linux e o Software Libre en xeral, asi como para servir de punto de encontro de todos os entusiastas deste software.
Agora, 10 anos despois, para conmemorar ese día, xuntaremonos arredor dun cocido e teremos un «cariño» para ofrecer o noso recoñecemento aos socios fundadores.
